STRUKTUR FONOLOGI DIALEK BALI AGA DESA PAKRAMAN SELULUNG, KECAMATAN KINTAMANI, KABUPATEN BANGLI

Abstract

Basa Bali dialek Bali Aga Selulung pinaka basa Ibu etnis Selulung madue genah miwah kawigunan sane mabuat pisan. Pinaka piranti mabebaosan, basa Bali dialek Bali Aga Selulung madue sistem pelafalan sane kahanannyane prasida nyantenang pabinayan cihnan basa majeng ring basa-basa sane tiosan. Pabinayan basa punika jagi nyantenang identitas jadma, inggih punika sakeng napi wit jadmane punika. Interaksi verbal serahina-rahina (utamanyane ri sajeroning kulawarga) etnis Selulung didominasi olih kanggennyane basa Bali dialek Bali Aga Selulung punika, bilih-bilih ngenenin indik bebaosan sane kahanannyane tradisional, minakadi ngawedarang indik kawentenan adat, kabudayaan, miwah agama.